कोहलपुर, बाँके – कोहलपुर कपडा व्यवसायी संघको ७औँ वार्षिक साधारण सभा भव्य रूपमा सम्पन्न भएको छ। संघका अध्यक्ष राजकुमार पौडेलको अध्यक्षतामा सम्पन्न कार्यक्रममा संघीय सांसद माननीय सूर्य ढकाल प्रमुख अतिथिका रूपमा उपस्थित थिए। साथै, कोहलपुर उद्योग वाणिज्य संघका अध्यक्ष प्रदीप भट्टराई विशेष अतिथिको रूपमा कार्यक्रममा सहभागी भएका थिए। भने अतिथीहरु संघका सस्थापक अध्यक्ष , पुर्ब अध्यक्ष , नेपाल घरबाहल मञ्च जिल्ला अध्यक्ष राधा गौतम ,बाँके सुनचाँदी तथा गहना ब्यवसायी संघका प्रतिनिधि ,होटल ब्यवसायी संघका प्रतिनिधि ,कपडा ब्यवसायी संघका प्रतिनिधि ,जुत्ता चप्पल ब्यवसायी संघका प्रतिनिधि लगायतको उपस्तिथि रहेको थियो ।
साधारण सभामा संघका पदाधिकारीहरूले वार्षिक प्रतिवेदन प्रस्तुत गर्दै, व्यवसायीहरूको हकहित संरक्षण, व्यापारको चुनौती, बजार व्यवस्थापन र आगामी योजनाहरूबारे जानकारी गराए। प्रमुख अतिथि माननीय ढकालले कपडा व्यवसायीहरूको समस्या समाधानका लागि सरकार गम्भीर रहेको बताउँदै, व्यापार अनुकूल नीति निर्माणमा आफूहरू सधैं तत्पर रहने प्रतिबद्धता व्यक्त गरे।
कोहलपुर उद्योग वाणिज्य संघका अध्यक्ष प्रदीप भट्टराईले व्यवसाय प्रवर्द्धनका लागि स्थानीय व्यापारिक संस्थाहरूबीच सहकार्य आवश्यक रहेकोमा जोड दिँदै, संघलाई निरन्तर सहयोग गर्ने आश्वासन दिए।
कार्यक्रममा सहभागी व्यवसायीहरूले कपडा व्यापारमा देखिएका समस्या, कर नीतिमा आवश्यक सुधार, बजार विस्तार, सरकारी सहजिकरण र व्यवसायीहरूबीच सहकार्यको आवश्यकताबारे आफ्ना सुझावहरू राखेका थिए। संघका अध्यक्ष राजकुमार पौडेलले व्यवसायीहरूको हक र हितलाई प्राथमिकतामा राख्दै आगामी दिनमा व्यापार प्रवर्द्धनका लागि विभिन्न कार्यक्रमहरू सञ्चालन गर्ने प्रतिबद्धता जनाए।
कार्यक्रमका दौरान व्यवसायिक क्षेत्रका अग्रज व्यापारीहरूलाई सम्मान गरिएको थियो। साथै, संघले व्यवसायीहरूको क्षमता अभिवृद्धि गर्न तालिम तथा सेमिनारहरू आयोजना गर्ने घोषणा गरेको छ।
साधारण सभा व्यवसायीहरूबीच आपसी भाइचारा र एकताको सन्देश बोकेर सम्पन्न भएको आयोजकहरूले जानकारी दिएका छन्।
