कोहलपुर, बाँके – पूर्व–पश्चिम महेन्द्र राजमार्गको राप्तीसोनारी गाउँपालिका–२, सम्सेरगन्ज (माथेबास–जिरो सडक खण्ड)मा आज बिहान ट्रक र टिप्पर ठोक्किँदा एक जनाको मृत्यु भएको छ भने अर्का एक जना घाइते भएका छन्।
घटनामा टिप्परमा सवार भुवबहादुर खत्री (३५, राप्तीसोनारी–१, सिक्टा)को घटनास्थलमै मृत्यु भएको हो। उनको शव भेरी अस्पताल, नेपालगञ्जमा राखिएको छ।
टिप्परमा सवार सुदीप चौधरी (२५, कोहलपुर–१५) घाइते भएका छन् र उनका उपचार कोहलपुर मेडिकल कलेजमा भइरहेको छ।
प्रत्यक्षदर्शीका अनुसार, ट्रक कोहलपुरतर्फ जाँदै गर्दा पछाडिबाट टिप्परले ठक्कर दिएको थियो। प्रहरीले दुर्घटनाको कारणबारे अनुसन्धान सुरु गरेको छ।
