नेपालगन्ज, २०८१ फागुन १९ – आगामी चैत्र ५ गते हुने स्ववियु (स्वतन्त्र विद्यार्थी युनियन) निर्वाचनको लागि अनेरास्ववियु महेन्द्र बहुमुखी क्याम्पस नेपालगन्जले एक नम्बरको संगठन दर्ता गरेको छ। संगठन दर्ता प्रक्रिया अनेरास्ववियु केन्द्रिय सदस्य तथा बाँके जिल्ला इन्चार्ज सुमन घिमिरेको नेतृत्वमा र अनेरास्ववियु बाँके जिल्ला अध्यक्ष प्रकाश विकको उपस्थितिमा सम्पन्न भएको हो।
संगठन दर्ता पछि, अनेरास्ववियु महेन्द्र बहुमुखी क्याम्पसका पदाधिकारीहरूले यसलाई क्याम्पसका विद्यार्थीहरूको अधिकार र हकहितको संरक्षणमा ऐतिहासिक कदमको रूपमा लिएका छन्। उनीहरूले आगामी निर्वाचनमा क्याम्पसका विद्यार्थीहरूको आवाजलाई मजबुत बनाउन, शैक्षिक सुधार ल्याउन र सामाजिक मुद्दामा सक्रिय भूमिका खेल्ने प्रतिबद्धता जनाएका छन्।
क्याम्पसका विद्यार्थीहरूको भविष्य र शैक्षिक वातावरणलाई सशक्त बनाउन अनेरास्ववियु महेन्द्र बहुमुखी क्याम्पसले आगामी स्ववियु निर्वाचनमा सक्रिय रूपमा सहभागिता जनाउने तयारी गरेको छ। यस कदमलाई क्याम्पसका विद्यार्थी समाजको सशक्तिकरण र सकारात्मक परिवर्तनको दिशामा एक महत्वपूर्ण मीलका पत्थरको रूपमा हेरिएको छ।
