बाँके — ठूलो आवाज निकालेर ध्वनि प्रदूषण गर्ने मोटरसाइकलमाथि बाँके ट्राफिक प्रहरीले कडाइ गरेको छ। साइलेंसर परिमार्जन गरी अनावश्यक रूपमा आवाज गर्ने मोटरसाइकलहरू धमा-धम नियन्त्रणमा लिइँदै छन्।
जिल्ला ट्राफिक प्रहरी प्रमुख पुस्कर राज पन्तले यस्ता मोटरसाइकलहरू नियन्त्रणमा लिएर सवारी साधन यातायात कार्यालयमा बुझाइने र त्यहाँबाट जरिवाना प्रक्रिया अघि बढ्ने जानकारी दिए।
पछिल्लो समय राति-राति ठूलो आवाज निकाल्ने मोटरसाइकलले सर्वसाधारणलाई सास्ती दिएको गुनासो बढेपछि कारबाही सुरु गरिएको हो,” पन्तले भने।
उनका अनुसार ध्वनि प्रदूषण नियन्त्रण गर्न अभियानलाई अझ प्रभावकारी बनाइनेछ।
